دراستي في بريطانيا
بسم الله الرحمن الرحيم
السلام عليكم ورحمة الله وبركاته وأهلا وسهلا بكم
اليوم اكتب لكم عن تجربتي الحاليه وهي الدراسه في معهد لغه انجليزيه في بريطانيا
في البدايه أنا أدرس في معهد بعيد عن البيت أروح له بالباص يعني المده تقريبا من يوم ما أطلع من البيت الين ما آصل للمدرسه أكثر من نصف ساعه تبدا الدراسه الساعه التاسعه والنصف وبما أن العادة جرت على أن يبدا دوامي أنا شخصيا الساعه التاسعه وخمسة وأربعين فلا يمكنني تغيرها لأنني بالرياض يبدأ دوامي سبع وربع ولذلك جوال الوالد كله رسايل من المدرسه الابن متأخر هذا اليوم عاد ما أتمنى إلى لو يغلطون برقم ويبدون ما يرسلون .
عندنا حصتين في المدرسه الحصه الأولى تدرسنا وحده إسمها فرن والثانيه يدرسنا واحد تقل مهرج إسمه دوم كان عندي بالفصل خمس بنات وولدين أنا واحد منهم أربعه منهم فرنسين ووحده تركيه و وحده برتغاليه .
أذكر ذاك اليوم كان البرنامج رياضي ( كننا بالحلقه ) المهم كلنا قاعدين إلا التركيه عاد يوم تبقشت الأمور تبين لي إنها ماتبي تقعد على العشب تحس إن فيه حشرات بالنسبه لي ما أتمنى إلى أعكرفله .
ومره فيه فرنسيه معي بالفصل كل ما شافتني آكل بطاطس تقولي ممكن تعطين حبة بطاطس المهم طفشت منها فيوم من الأيام كان المدرس (دوم) ياكل موزه وكعادة الفرنسيه قالت له ممكن تعطين قسمه يعني يا جماعه فيه أحد ياخذ قسمة موزه بيده !!! المهم لعله زبدلها وقالها لا.
وأذكر بعد ذاك اليوم كان البرنامج طبخ فكان مقرر علينا نسوي كوكيز فودونا لمكان البوفيه اللي ناكل فيه الغداء فزي ما أنتم عارفين الكوكيز يبيله دقيق وسكر وزبده وأشياء ثانيه ناسيها فكنا نعجن على طاولات البوفيه الطاولات هاذي قبل الطبخ أنا والله ما أشتهي أحط عليها يدي من وصاختها والطلاب اللي يحط القدر فوق راسه وياخذ المغرفه ويحطها بيده كأنها مسدس فالدعوه كانت مطاريس فيوم شفت الدعوه مطاريس سرت زيهم ومطرست بس بالتأكيد ما أكلت وبصراحه استانست كثير بذاك اليوم الحمد لله .
وفي يوم آخر أيضا رحنا لمنجم فحم عمره مئتين سنه ومات فيه أكثر من مئتين شخص فلبسونا خوذة المهندسين ونزلنا بالمصعد مئة متر تحت الأرض فكانت الممرات ارتفاعها جدا جدا قصير فما دريت إلى راسي مشمع بالسقف يمكن صقع راسي ثلاث أو أربع مرات وصقعات قويه بس الصحيح كانت حلوه رحلة المنجم .
أذكر أيضا يمكن ثالث يوم لي في المعهد لقيت قيتار أي واحد يقدر يستخدمه المهم أخوكم فالله أول مره يشوف قيتار فقلت خل أشوف وش يسوي المهم مسكته دقيت فيه كم دقه فلقيت فيه علي الجنب شي تقدر تدوره فدورته أنا أخوكم فالله وقعد يدور يدور يدور مادريت إلى سمعت صوت ديييييييييييييييينق أثر الحبل إنفرط !!!!!!!! يعني خربت القيتار وش رايكم بإنكار المنكر بدون قصد.
بس الحمد لله والشكر كانت التجربه جدا جميله شفت فيها ناس من جنسيات مختلفه عرفت عن طباعهم وحياتهم أكلهم هواياتهم تفكيرهم وبديت أفرق بين الجنسيات وخفة دمهم وحبابتهم
في الختام أبارك لكم شهر رمضان
وإلى اللقاء …..
31 أغسطس 2009 في الساعة 8:25 ص
اهليييييييين
ما شاء الله تبارك الله
الله يوفقكم ويسهل لكم أموركم
موفق يا حبيبي
ومنت عاقل يا الطويل كم مرة قلت لي صقع راسك !! ههههههه
1 سبتمبر 2009 في الساعة 5:50 م
مبارك علينا وعليك الشهر يا عبدالرزاق
ماشاء الله عليك أجل تدرس مع الفرنسيين والبرتغاليين .. ما معكم أحد من الصين؟ موفق في دراستك والله الله بالانضباط والإلترام في المواعيد .. تراهم بريطانيين ..
1 سبتمبر 2009 في الساعة 6:43 م
ابو عبدالله
امين
ومشكور
1 سبتمبر 2009 في الساعة 6:45 م
علي الريعان
مشكور
4 سبتمبر 2009 في الساعة 1:34 ص
ههههههههههههههه جميل ياعبدالرزاق
لكن ابيك تخبرني وش كان انطباعك عن الدراسه قبل الذهاب والان بعد ماجيت وماهي الفوائد
التي استفدتها ودايم مبدع
4 سبتمبر 2009 في الساعة 5:23 ص
هههههههههههههههههههههههههه
الفرنسيه وش فيها شحاااااااااده
طيحتهم من عيني ع بالي ذوق واتكيت
5 سبتمبر 2009 في الساعة 2:47 ص
فهد المطيري (ابوسند)
مشكور على ردك
وبالنسبه للإنطباع فبصراحه قبل الذهاب توقعتهم أرتب شوي بالرحلات
يعني بالرحلات إذا رحنا لسوق مثلا يخلون كل واحد يروح لحاله و لا إذا تبي تروح أنت وحد تقدر وأحيانا نقطع شوارع فما تكون مرتبه مره .
وبالنسبه للفوائد فبالمقام الأول الإنجليزي وماكانة الإستفاده مره كثيره لأني ما درست إلى ثلاثة أسابيع
والأختلاط بناس من جنسيات مختلفه عرفت عنهم شوي
هذي الفوائد تقريبا
ومشكور فهد
5 سبتمبر 2009 في الساعة 2:50 ص
سااره
مشكوره
7 سبتمبر 2009 في الساعة 7:18 ص
ما شاء الله تبارك الله
بالتوفيق لك يا ولد العم في دراستك
وكذلك في عالم التدوين
*ولا عليك أمر: أضف إيميلي ضرووووري
7 سبتمبر 2009 في الساعة 7:45 م
عبدالرحمن
مشكور على ردك
بس تراي ما عرفتك ؟؟؟
7 سبتمبر 2009 في الساعة 9:06 م
حياك عبدالرزاق
تبي تعرفن ان شاء الله
هنـــــــــــاك بالمسن *_^
8 سبتمبر 2009 في الساعة 5:49 ص
حلو يومك ،، انا ما يفرق حالي عنك يوم ما كنت بغربة نيويورك
بس حاول انك تتأقلم مع نفسك
اتمنالك التوفيق
أخوك / رجل المقهى
11 سبتمبر 2009 في الساعة 10:24 م
ماشاء والله ماانت بسيط تعرفت على تركية و فرنسية .. ^_^
تصدق عاد حسيت إنك ماتعرفت على أولاد ماغير تسولف عن هالبنيات ..
ننتظر رجعتك عشان تطبخ لنا كوكيز ..
بالمناسبة ماراح تسوي مقال عن عادات المسلمين في رمضان هناك ؟
16 سبتمبر 2009 في الساعة 6:23 ص
NASSER
بالنسبه لهلبنايات ما أسولف بالفصل إلا معهم ماعندي غيرهم
أما الكوكيز فأنا ما عندي مانع أمطرسلكم كوكيز
أما الموظوع القادم فهو مفاجأه وبيعجبك إن شاء الله .
مبارك عليك العشر
ومشكور على ردك
30 سبتمبر 2009 في الساعة 10:52 ص
ما شاء الله تبارك الله
بالتوفيق لك يا ولد العم في دراستك
وكذلك في عالم التدوين
:):):)
30 سبتمبر 2009 في الساعة 4:50 م
haifa,a al-ajlan
شكرا لكي
20 يونيو 2010 في الساعة 1:31 م
I received 1 st credit loans when I was a teenager and this aided my family a lot. But, I need the bank loan as well.
12 أغسطس 2010 في الساعة 11:07 ص
Hypotheek informatie, hypotheek aanvragen of afsluiten? Hypotheekrentes bekijken. Hypotheek aanbieders vergelijken, hypotheek vormen, bijkomende kosten,
5 سبتمبر 2010 في الساعة 3:25 م
Migraine is hoofdpijn die in aanvallen komt. De hoofdpijn komt plotseling op, soms midden in de nacht zodat u er wakker van wordt. De pijn zit meestal aan