توقف في التدوينة الماضية عند سؤال هو :

ليش رحنا من واشنطن إلى اورلندو ، طبعاً لأن في أورلندو تقع مدينتا ألعاب ديزني لاند و ينفيرسل ، وراح أبدأ بالكلام عن دزني لاند .

دزني لاند مقسمة لأربعة مدن كل مدينة تتطلب منك على الأقل يوم واحد ، حنا رحنا لمدينتين فقط من المدن الأربعة ، وهي مجك كنقدم و مدينة إبكت بدايةً رحنا لمجك كنقدم طبعاً هذي المدينة أقدر أسميها أنا من عندي أصل دزني لاند يعني كل شخصيات دزني الكرتونية تلقونها هناك ، ومن المناظر إللي أعجبتني في المدينة قصر دزني المشهور شفته على الطبيعة طبعاً المدينة هذي ما فيها ألعاب مخيفة أبداً يعني اللعبة ممكن يركبها واحد عمره 50 سنه و واحد عمره 5 سنواتبس بصراحة المدينة كانت جميلة و إستانست فيها و الحمد لله .

المدينة الثانية إللي زرناها كانت مدينة إبكت وهي أيضاً جميلة و كان داخلها شيئين ، الأول ألعاب وهي كذلك غير مخيفة وهي عبارة عن ألعاب تعليمية ، يعني يجيبون لك عالم البحار على شكل شخصية نيمو الكرتونية و يجيبون لك العالم القديم على الأرض و الحيوانات المنقرضة ، أنا أعجبتني هالمدينة وحسيت إنها مفيدة .

القسم الأخر من رحلتي لأورلندو كان لمدينة ألعاب يونيفيرسل.

يونيفيرسل مقسمة لمدينتين الأولى يونيفيرسل و الثانية آيس لاند ، والمدينتين بشكل عام زي بعضهم .

بس بصراحة جداً جداً أعجبتني يونيفيرسل ، ليش ؟؟

لأن أغلب الألعاب فيها مخيفة و حماسية و أنا أحب الألعاب إللي تخوف كثير ، يعني أقدر أقول لكم إن يونيفيرسل أعجبتني أكثر من دزني لاند .

جلست في فلوردا إسبوع بعدين رحت لأكلاهوما سيتي ، وبسبب رحلتي هذي إكتشفت إنه ما فيه أحسن من الخطوط السعودية ، طبعاً كعادتنا حنا يا السعوديين لازم يصير لنا مشاكل مع العفش لأن هذي الخطوط أمريكية و لا تعودوا على مثل عفوشنا .

إنشاء الله سأحكي لكم بعدين عن أكلاهوما ستي و إللي جلست فيها لـمدة شهر كامل .

إلى اللقاء .